حواديت مع حبة افلامنات ..................مع ستو وبامبه اللتاته
مطبوخه بست سبع كدبات................. والحلو رخامه وغتاته
الفشرى اليوم مليان اشاعات. ..وكلام مخلوط بالشيكولاته
اخبار اليوم كده من سنوات. معموله عشان مشوى بطاطه
من قبل مايبقو سبعة ايام .........كانو سته وعلى ايد خياطه
وتقول دستور وتعيش احلام ........وتفووق وف بوؤك سكاته
ومفيش فايده فى الوفد العام .ولاحتى ف بابا جدو شلاطه
اهرام مليان اساطير وكلام ..واهى موميا عايشه وشحاته
اصحاب اقلام لابسين طراطير ...عيشين من غير صندل باتا
طول الاسبوع كدب وتحوير .........برصاصه ف عقلك مطاطه
الورق الاصفر فيه تخدير ...........لمريض ضاع كده ببساطه
بس اهى نافعه بتوع الجرير ....... بتشيل جراثيم اى بلاطه
مانشيت عريض بيشد عبيط ..........من غدر لتجريح لشماته
الحق اهو ضاع بين الشخابيط ............واتحول لخيال ومأته
والصدق اتسول جوا البيت ...................ولا طفل بيتعلم تاتا
كفايكم بقى لعب وتنطيط ...............دى تناحه ديه ولا تباته
ليست هناك تعليقات:
إرسال تعليق