بسم الله الرحمن الرحيم
اجريوم = موبكو
أنا هقول قصة مصنع أجريوم بإختصار وبالوثائق
الرسمية من بداية الأزمة من 2008 ..ذكر القصة عشان الناس تعرف أن قد ايه
أهالى دمياط تعاملوا مع الموضوع بكل سلمية وكل سياسية قبل كده ..ونشوف
الحكومة تعاملت معاهم ازاى ..
الأزمة بدأت من 2008 لما
رئيس الوزراء المحبوس حالياً فى طرة أحمد نظيف جاب لينا المصنع عشان يتعمل
فى مصر بعد ما إترفض فى دول أوروبا وفى السعودية لأنه مندرج تحت قائمة
المصانع السوداء اللى لازم تتعمل فى مناطق غير أهلة بالسكان و البعد بينها
وبين أقرب تجمع سكنى 60 كيلو
مصراوى : نظيف يستقبل رئيس اجريوم لمناقشة مستقبل مشروع مصنع السماد .
http://www.masrawy.com/News/Egypt/Politics/2008/april/23/factory.aspx
المصرى اليوم : 3 خرائط رسمية تكشف: مصنع أجريوم يقتطع أهم جزء من منطقة مخصصة للسياحة في رأس البر
http://www.almasry-alyoum.com/article2.aspx?ArticleID=102189&IssueID=1017
جزء من الخبر
"
حصلت «المصري اليوم» علي 3 خرائط رسمية تفصيلية، تكشف تخصيص أرض مشروع
شركة «أجريوم الكندية» للبتروكيماويات، في قلب منطقة مخصصة للنشاط السياحي
ضمن مشروع تطوير مدينة رأس البر، وبجوار أنشطة زراعية وميناء مقترح للصيد.
"
-----------------------------
الدنيا إتقلبت فى دمياط .. خاصة أن اللجان العلمية اللى راحت تفحص المصنع قالت أن المصنع كارثة بيئية على المنطقة اللى حواليه
وأن شركة أجريوم دى شركة ليها تاريخ أسود فى مجال الصناعات الملوثة والمدمرة للبيئة
مصراوى :
وثيقة مصنع لاجريوم تسبب في اضرار صحية جسيمة نتيجة التسمم بالفلورايد في كندا
http://www.masrawy.com/News/Egypt/Politics/2008/June/18/agrium.aspx
المصرى اليوم : وثيقة من «أجريوم»:مصنع دمياط مربح ودون ضرائب والأرخص تكلفة علي مستوي العالم
http://www.almasry-alyoum.com/article2.aspx?ArticleID=102597&IssueID=1020
المصري
اليوم تنشر قصة «أجريوم» بالمستندات كما يرويها «بلاغ عصام سلطان» للنائب
العام: «أجريوم» دفعت «القابضة للبتروكيماويات» من وراء ستار لعقد اتفاق
مع ميناء دمياط نص علي تسوية أي نزاع بينهما علي أرض فرنسية
http://www.almasry-alyoum.com/article2.aspx?ArticleID=106196&IssueID=1048
ممدوح حمزة لـ«المصري اليوم»: مشروع أجريوم «جريمة».. وتصريحات المدير الكندي كلام فارغ.. ويجب طرده فوراً
http://www.almasry-alyoum.com/article2.aspx?ArticleID=102438&IssueID=1019
مذكرة جديدة لـ «لجنة تقصي الحقائق» البرلمانية حول «مخالفات أجريوم»
http://www.almasry-alyoum.com/article2.aspx?ArticleID=109442&IssueID=1073
-----------------------------
دى تقارير بيئية عن المصنع
مركز حابى لحقوق البيئية
منظمات بيئية تشن حملة علي مصنع «اليوريا» في دمياط
http://www.hcer.org/node/368
رصد
| خاص | صور قرار وزارة الدولة لشئون البيئة لوقف مصنع "موبكو" وصورة من
قرارات اللجنة العلمية المشكلة من وزارة الدولة لشئون البيئة #RNN
https://www.facebook.com/media/set/?set=a.223976964346087.48751.103622369714881&type=3
تقرير مركز الأهرام عن أزمة أجريوم
http://acpss.ahram.org.eg/ahram%5C2008%5C6%5C15%5CCAIR0.HTM
http://lejuriste.montadalhilal.com/t1588-topic
النص الكامل لتقرير لجنة تقصي الحقائق حول مشروع أجريوم بدمياط
-----------------------------
الدنيا إتقلبت فى دمياط وعملنا حملة كبيرة لإزالة مصنع الموت .. زى ما أطلقنا عليه .
الحملة
كانت ضخمة لدرجة أن كل الشواراع الرئيسية أو أى شارع بتعدى فيه عربيات
كان مليان بانرات ولافتات سوداء لإزالة مصنع الموت وعملنا وقفات إحتجاجية
كبيرة ..
دى بعض الأنشطة السلمية المتحضرة ضد مصنع الموت
ملحوظة : كل الأخبار والمظاهرات دى من سنة 2008
اليوم السابع : مظاهرة بالأكفان والنعوش ضد أجريوم
http://www.youm7.com/News.asp?NewsID=22309&SecID=65&IssueID=168
أهالي دمياط: «بلدنا سوداء حتي ترحل أجريوم»..الشركة: وقف العمل مؤقت
http://www.almasry-alyoum.com/article2.aspx?ArticleID=102459&IssueID=1019
صور من المظاهرات التى اجتاحت دمياط تعبر عن الغضب الشعبى لانشاء مصنع إجريوم الملوث للبيئة .
http://mydamietta.blogspot.com/2008/09/blog-post.html
مظاهرة حاشدة في دمياط للمطالبة بنقل مصنع «أجريوم» و«محلي المحافظة» يجمد أنشطته حتي صـدور قرار النقل
http://www.almasry-alyoum.com/article2.aspx?ArticleID=109743&IssueID=1075
قائمة سوداء للمتعاملين مع " اجريوم وموبكو " بدمياط
http://www.medantahreer.com/shownews-9395.php
-----------------------------
وبما إن التقارير العلمية اللى صدرت كانت بتأيد أن المصنع فعلا كارثة ..
محافظ
دمياط السابق : د. محمد البرادعى .. اللى هو وزير التخطيط الحالى فى
حكومة شرف , قال انه هيقدم استقالته إذا لم يتم إزالة المصنع بناء على
توصية اللجان العلمية والبيئية
نظيف وحكومته طنشوا .. راح هو فعلا متقدم بقرار إستقالته
بعد3 أو 4 أيام صدر قرار بإزالة المصنع من دمياط نهائياً ..ورفض إستقالة المحافظ
وطبعا عملنا حفلة كبيرة جداً ودمياط كلها فرحت
مصراوى :
إيقاف عملية انشاء مصنع اجريوم للسماد بدمياط بعد تصاعد ردود الفعل ...
http://www.masrawy.com/News/Egypt/Politics/2008/april/21/agrum.aspx
محافظ دمياط يعتبر قرار إلغاء «أجريوم» انتصاراً لـ «الدمايطة».. ومواطنون يصفونه بـ«الغامض»
http://www.almasry-alyoum.com/article2.aspx?ArticleID=116386&IssueID=1125
------------------------------
لحد هنا ونقف شوية
يعنى
المصنع فعلا صدر قرار بإيقافه ..وحسنى مبارك من على أهالينا بإيقاف
المصنع ونظيف قال هنشيله عشان خاطر عيونكم وعشان خاطر هو فعلا كارثة بيئية
زى ما التقارير قالت
القرار اللى إتأخد فى 2008 بوقف
المصنع ده إثبات لكل المواطنين حتى لو مالهمش فيها ومش علماء كيمياء ان
المصنع فعلا كارثة بيئية وهيموتهم ويسرطنهم وبيوظ الزرع والمياه
تفتكروا لما الناس دى تلاقى المصنع فتح تانى ..هتعمل مظاهرات سلمية متحضرة وتعمل أكفان وبانرات سودة ومطالبة سياسية بغلق المصنع ؟
حط
نفسك مكانهم وأنت مصنع المفروض يكون بينك وبينه 60 كيلومتر او هيقتلك
ويسرطنك ..وبينك وبينه 2 كيلو ولا 4 كيلو ..أنا بينى وبين المصنع حوالى 6
كيلو ..!
الناس اللى بتهاجم الدمايطة عشان قطع الطريق وبيقولوا تظاهرو بوسيلة سلمية متحضرة ..
بصوا فوق هتلاقوا كل الوسائل السلمية المتحضرة والكفن والنعش وكل حاجة شيك وحلوة ..
لكن لما بعد كله يتضحك على مدينة كاملة بأهلها ؟
تتوقعوا رد الفعل للأهالى أو رد الفعل الشعبى هيكون ايه ؟
ده
الجانب الأخر من القصة .. اللى نشرات الأخبار مش بتقوله ..والنشطاء بتنقل
بس تقول الحقوا بتوع دمياط قاطعين الطريق والناس مش عارفة تروح تتفسح فى
رأس البر ..!
------------------------------
تطور الأحداث حتى الأن .. قطع كامل لكل الطرق المؤدية الى رأس البر - المنصورة - الطريق الدولى
تم تدمير محطتين مياه بيقوموا بتزويد المصنع بالمياه ..
حصل
فض للإعتصام بالقوة أدى الى حالتين وفاة بالطلق النارى و8 مصابين وإختناق
بالغاز ومواجهات بين القوات المسلحة والشعب وإحتجاز مدرعات بجنودها من
قبل الأهالى وإرسال طائرات ميج روسية عشان فوق دمياط علشان يخوفوا
الناس
الأهالى خايفين بس من حرق المصنع باللى فيه أنه ممكن ينفجر ,
لكن هم قاطعين الطريق .. والجيش مش هيقدر يمنع قطع الطريق ولو عمل ايه ..
لأن الأهالى بيخوضوا معركة حياة أو موت بالنسبة ليهم ..
فمع
زيادة الضغط من أجل فتح الطريق وعدم تحرك المجلس العسكرى لاتخاذ قرار
بغلق المصنع تماما ونهائيا بشكل كامل .. أهل المنطقة هيفجروا المصنع واللى
يحصل يحصل..
اللى بيراهن أنه مع الضغط هيفتحوا الطريق ويروحوا ده مراحش اتكلم معاهم ولا عرف اللى نيتهم
لو الطريق اتفتح ومالاقوش طريقة يلفتوا بيها إنتباه الرأى العام لقضية حياة أو موت بالنسبة ليهم ..هيولعوا فالمصنع ..
والله أعلم ايه اللى ممكن يحصل. .
الناشط بلطجى
- اللهم بلغت , اللهم فإشهد ..
لا لمصانع الموت فى دمياط
